LEGAZPI CITY- Makaka-eksperyensya nin sampulong oras na power supply interruption an bilog na tercer distrito kan Albay sa maabot na aldaw nin Huwebes, Setyembre 7.
Katakod ini kan ipinaluwas na notice kan National Grid Corporation of the Philippines (NGCP) kun saen apektado kan brownout an Ligao Substation puon Feeder 1 hasta 3 asin Polangui Substation Feeder 1 asin 2.
Mapuon an paramientras na pagkawara kan suplay alas-7:00 nin aga hasta alas-5:00 nin hapon na sakop an mga banwaan kan Libon, Polangui, Oas, Pioduran, Jovellar, Guinobatan asin ciudad kan Ligao.
Mayor na rason kan paramientras na power interruption an line configuration sa Daraga Substation na katakod kan Substation Expansion Project.
Mientras tanto, inasegurar man kan manihamiento kan NGCP na tulos na ire-restore an suplay kan kuryente en kaso matapos na an trabaho. Hagad man kan ahensya an pag-intindi kan publiko.
