LEGAZPI CITY- Dae na naisalbar pa asin dagos ng binawian nin buhay an sarong preso na nagbigti sa laog mismo kan custodial facility kan Pio Duran Municipal Police sa Barangay Caratagan.
Marurumduman na naghugot an detainee na si Bernardo Nuñez gamit an sarong improvised torn na pigburubod kaini sa saiyang liog.
Sa impormasyon na nakua kan Bombo Radyo Legazpi, kinumpirmar mismo ni Albay Police Provincial Office spokesperson PC/Insp. Arthur Gomez an pagkagadan kan nasambitan na preson.
Hasta sa ngunyan blangko pa an mga otoridad sa motibo kan pagbawi kan biktima sa saiyang sadiring buhay kun kaya nagpapadagos pa an ipigkokundusir na imbestigasyon kan mga otoridad.
