LEGAZPI CITY — (Update) Dae nakatabang an kua kan CCTV na harane sa lugar kun saen pinagbabadil an sarong menor edad sa corner kan Peralta St. asin Jesalva St., Brgy. Talisay, Sorsogon City.
Segun ki P/Supt. Eric Dumangas, hepe kan Sorsogon City Police, medyo madiklom sa lugar kun kaya dae man nahiling an bilog na pangyayari.
Mientras tanto, nagluluwas sa imbestigasyon kan kapulisan na nagkaigwa naman nin record sa pulisya kan 2011 huli sa pagkakaimbwelto sa panghahabas an nagadan na si alyas “Tyson” kaibanan an nagkapira pang menor de edad.
Ini man an kaibanan kan menor de edad na enot nang dinakop sa pagbalong panghahabon sa sarong harong sa lugar alsin naipit pa an payo sa grills kan bintana.
Naghale suboot ini sa harong sa banwaan kan Irosin tangarig na makiistar sa abuela sa ciudad.
Pighihiling man ngonian na posibleng kakompetensyang grupo an may kagibo kan krimen.
Magigirumduman na nagsapar nin tolong tama nin bala na harane sa daghan asin pelvic area an nasabing menor de edad.
