LEGAZPI CITY — Inanunciar ni councilor Vince Baltazar sa saiyang Facebook account an magayon na mareta para sa mga mahihilig sa skating.
Ini an katakod kan pormal na pagbubukas kan Legazpi City Skate Rink para sa publiko sa Agosto 12 ngunyan na taon para sa sarong aktibidad katakod kan selebrasyon kan Ibalong festival.
An nasambitan na rink an nasa Legazpi Boulevard na pwedesir na pasyaran kan mga jovenes na nagmamawot na maipagpadagos an saindang hilig sa pag-skate ngani na maibitaran na magpasiring an mga ini sa mga tinampo na delikado sa saindang seguridad.
Mientrastanto, ipinagirumdom man ni Baltazar sa gabos na kinakaipuhan na magsulot nin helmet asin protective gear ngani na magin salbado an gabos asin maibitaran an anuman na aksidente.
