LEGAZPI CITY — Karsel an bagsak kan sarong principal na suspek sa karumal-dumal na pagadan sa sarong paraoma sa Sitio Kumagingking Barangay Cogon, Castilla, Sorsogon
Segun sa impormasyon na ipinaabot kan Sorsogon Police Provincial Office, naarestar an suspek na si Rodel Hibe Tan sa ipinagkondusir na operasyon kan mga personahes kan Castilla PNP.
Naarestar ini sa bisa kan mandamiento de aresto na ipinaluwas sa sala ni Honorable Rofebar Gerona, Presiding Judge kan of Regional Trial Court, Branch 53, Sorsogon City.
An kasong pigkakahampang ni Tan an warang kakabit na piyansa.
Marurumduman na ini an pinagtutubudan na suspek sa pagkagadan kan paraoma na si Jhoney Rivero Basa kun sain nadukayan na igwang mga tama nin paninigbas sa manlaen laen na parte kan hawak saka sinulo ngani na maitago an krimen.
Nagluluwas sa imbestigasyon kan Castilla Homicide Section na selos an nagbusol sa suspek ngani na magibo an krimen.
