LEGAZPI CITY — Nanotaran an pagbilog kan duwang buhawi sa banwaan kan San Andres sa provincia kan Catanduanes kasuodma.
Ipinost kan lokal na gobierno kan San Andres sa saindang official facebook page an video kan duwang buhawi na nagtama sa kadagatan harane sa salog kan Brgy. Bon-ot asin Yocti.
Kinua an nasabing video sa Barangay Timbaan, 5 sundo 7 kilometro an rayo sa pinaghalean kan buhawi.
An nasabing buhawi an sinundan suboot nin pag-uran na may moderatong pagkusog kan paros na naeeksperyensyahan sa nasabing banwaan.
Segun pa sa LGU San Andres, wara mang nairehistrong nalugadan o danyos sa nasabing insidente.
