LEGAZPI CITY — Inakusaran ni dating Malinao Mayor Avelino “Billy” Ceriola na pigkukurakot kan nakatukaw na alkalde na si Mayor Sherly Capus Bilo an kwarta kan municipio.
Segun ki Ceriola, dae man siyang problema na si Bilo an nagpipirma sa mga transaksyon huli sa tinawanan ini nin direchos kan Department of Interior and Local Government (DILG) alagad problema sana suboot an pirming pag-viaje kan alkalde.
Sinabi pa kan dating opisyal na maski saen nakakaabot an alkalde kun saen an pigagamit pa an kwarta kan saindang banwaan.
Kun mapadagos suboot ini, makaherak an mga namamanwa kan Malinao kun siring na opisyal an nakatukaw sa pwesto.
Mientras tanto, klinaro man kaini na nagpipirma siya kan solamenteng dating mga papeles na dae niya napirmahan antes pa man iserbi saiya an dismissal order.
Dae naman suboot nagpirmi kan mga presenteng transaksyon huli sa pwedesir siyang makasuhan na habo niyang mangyari.
