LEGAZPI CITY — Urog na kaabang-abang an magigin selebrasyon kan Ibalong Festival ngonian na taon sa ciudad kan Legazpi.
Ibinuyagyag ni City Tourism Officer Pita Pacres sa intrevista kan Bombo Radyo Legazpi na igwang dakulang pagbabago na mangyayari sa nasabing kapiestahan afuera pa sa pagriribay kaini nin petsa hale sa bulan kan Oktubre na inabante sa bulan kan Agosto.
Dugang pa kaini na ni-level up pa kan assigned committee an mga ipighahandang sorpresa mientras na maginibong na man an mga ipigpapaapod na mga meeting tangarig na makasiguro na warang mangyayaring problema sa haros sarong bulan na selebrasyon.
Piglalaoman man an pagpartisipar kan labi sa 1000 atleta na hale pa sa manlaen-laen na parte kan kinaban para sa isasagibong international triathlon.
Highlight man kaini an tolong epic heroes na sinda Handiong, Bantong asin Baltog siring man an mangyayaring street dance presentation asin Mutya ng Ibalong 2017.
Sa ibong na lado, hinagad kaini an suporta kan mga Legazpeño urog na sa mainit na pagresibe sa mga maabot na turista asin darakulang personaidad na makikisumaro sa aktibidad na madurar puon Agosto 11 hasta 26.
