LEGAZPI CITY – Panibagong orgulyo nanaman an nakua kan Bicol University makalihis na makua kan BU alumna na si Beverly Ann Amistoso Guerrero an ika-pitong pwesto sa 2017 Nursing board exam.
Nakaguno si Guerrero nin average na 84. 20% ngani na makua an top seven spot sa nasambitan na eksaminasyon.
Nagtapos ini nin highschool sa Marcial O. Rañola Memorial School antes na magkua nin kursong nursing sa Bicol University College of Nursing sa ciudad kan Legazpi.
Sa ngunyan, padagos man an mga pagbati na nareresibe kaini sa social media para sa saiyang nakuang honra.
Mientrastanto, nangenot sa nasambitan na eksaminasyon an graduate kan West Visayas State University La Paz na si Mary Angelie Cabañez na nakakua nin rating na 86.20% asin sinundan ninda Nona Casey Baring asin Piny Elleine Cesar na parehong nakakua nin 85.20% na rating.
