LEGAZPI CITY – (Update) Ipigbuyagyag kan Legazpi PNP na wara man na nahiling na foul play sa nadiskubreng naaagnas na bangkay nin sarong lalaki sa rooftop kan Soriano Building sa Elizondo St., Brgy. 29 Sabang, syudad kan Legazpi.
Segun ki P/Supt. Nilo Berdin, pighihiling ninda ngunyan na inatake kan pigmamate na helang na prostate cancer an biktima na si Sonny Necesitas.
Marurumduman na nadiskubre kan sarong Carlos Arnaldo an hawak kan biktima makalihis na manotisyaran an mabatang parong na naghahali sa rooftop kan nasambitan na establishimento.
Mientrastanto, segun ki Berdin, pighahalat man giraray an resulta kan ipigkondusir na otopsiya ngani na masiyerto kun ano talaga an ikinagadan kaini asin dae sana magbase sa saindang konklusyon.
Sa ngunyan nagtetenir man giraray sa punerarya an bangkay kaini asin nakatalaan na ipalubong na sana kun wara man na magklamar kan hawak kan nasambitan na lalaki.
