LEGAZPI CITY- Ipigheras kan Department of Health Regional Office 5 an importansya kan pagdodonar nin dugo katakod kan maabot na selebrasyon kan World Blood Donors Day sa maabot na Hunyo 14.
Sa intrevista kan Bombo Radyo Legazpi ki Wendy Baluis, program coordinator kan DOH Bicol, preparasyon man suboot an aktibidad para sa maabot na National Donors month sa Hulyo na igwang temang “What can you do? Give love, Give blood.. Give often”.
Ipig-orgulyo pa ni Baluis an pakikipagtabangan kan mga lokal na sektor sa mobile blood donations puon sa mga barangay, munisipalidad asin lambang ciudad.
Pagtataong-duon pa ni Baluis na magayon sa pagmate an makatabang sa kapwa na siyang mayor na beneficio kan blood donation.
