LEGAZPI CITY- Aminado an Bureau of Fire Protection Regional Office 5 na igwa pang mga kakulangan sa ekipahes asin bako pa gabos na munisipalidad sa rehiyong Bicol an igwang fire station.
Sa intrevista kan Bombo Radyo Legazpi ki FC/Insp. Peter Paul Mendoza, regional fire operations officer, nasa modernization program an konsentrasyon ngonian kan BFP kun kaya pigtutukan an mga nasabing problema.
Dugang pa kan opisyal na huli sa nangyaring pagsakyada kan lone gunman sa Resorts World Manila, nadeterminar an nagkapira pa sa magkakanigong ekipahe na kinakaipuhan nin atensyon urog na sa pagresponde sa mga high rise building.
Sa ngonian kaya, saro sana an ladder fire truck sa Bicol alagad luma na kaya dae naman marhay nagagamit mientras na dakol na an establisyemento na igwang haralangkaw na eskalon sa rehiyon.
Pig-eenot man ninda sa ngonian an pagbabariwas kan mga operational fire truck sa bilog na rehiyon siring man an pagkompleto sa fire stations kun saen 80% na sa Bicol an igwa kan opisina.
Dugang digdi an labi sa 30 bagong naitugdok asin properly turned over na sa local government units.
