LEGAZPI CITY — (Update) Maogmang ibinareta kan lokal na gobyerno kan Bacacay na nasa Junta Provincial na an taunan na budget kan banwaan asin subject for review na ini kaya makakapagtao na nin mga basic services para sa lokalidad.
Sa intrevista kan Bombo Radyo Legazpi ki Vice Mayor Divine Bañares Buenavente, ipighayag kaini na sa ngonian igwang nakatagama na P795,000 para sa fishery law enforcement team asin igwa pang suway na pondo para sa mga bantay dagat.
Ini an ngani na matawanan nin solusyon an ipigpaabot na problema kan mga residentes katakod kan nagdadakol na nairerehistro na illegal fishing sa lugar.
Dugang pa kan bise alkalde na makakabakal na nin mga rubber boat an Local Government Unit kan Bacacay na magagamit kan mga coastal rangers kqya mareresolberan na an nasambitan na problema.
Dapat sana suuboot na matawanan nin atensyon kan mga bantay dagat an mga iligal na nagsisira sa banwaan huli ta obligasyon ninda ini asin magigin dakulang katabangan na man an mga mababakal na kagamitang pandagat.
