LEGAZPI CITY — Ipigbuyagyag ni P/Supt. Elcid Roldan, hepe kan Daraga Municipal Police Station na dae pa napapakarahay an mga proyekto na pinunan kan nakalihis na bulan sa banwaan kan Daraga kun kaya apektado man giraray an bulos kan trapiko.
Segun sa opisyal, pag-abot sa Daraga, manageable an biyahe alagad pag-abot sa Barangay Bañag asin Binitayan nagkakaigwa na nin gubot na trapiko huli sa nagpapadagos na road widening.
Segun ki Roldan, nagkondusir na sinda nin survey puon sa Daraga hasta sa banwaan kan Camalig ngani na mahiling an mga kakulangan sa directoral signs asin tulos ining matawanan nin solusyon ngani na mabawasan an trapiko na ipigrereklamo na kan mga motorista.
Sa ngunyan gigibuhon suboot na prayoridad an mga nahihiling na kakulangan para sa ikakaginhawa kan publiko.
Reklamo gikan sa mga taga third district kan Albay an padagos nindang nareresibe sa ngonian huli ta kulang na an mga nagbabiyahe na pampublikong behikulo katakod kan traffic.
Dugang pa kan opisyal na dae sinda basta nakakapag implementar nin ley sa trapiko huli sa kakulangan nin informative asin directional signs.
