LEGAZPI CITY — Pinaghahanap na ngonian kan mga otoridad an dae pa nabibistong lalaki makalihis an pananaksak asin pagbalong panlulugos sa sarong daragita sa Brgy. Nagas, banwaan kan Tiwi, Albay.
Sa inisyal na imbestigasyon kan Tiwi Municipal Police, nagkakaturog suboot an 17-anyos na biktima sa saiyang kwarto kan magimata bandang ala-una nin maagahon huli sa garing may magabat na bagay sa saiyang lawas.
Labi an pagkakigkig kan biktima kan madiskubreng sarong lalaki an nakapatong digdi mientras na nakakapotan an maginibong na kamot asin pighahadukan an liog kan daragita.
Nanlaban an biktima na rason tanagrig na mapiritan an suspek na pagsasaksakon ini nin limang beses.
Nagsapat nin tama sa daghan asin braso an babaye na tulos man na idinalagan sa ospital mientras na dae na naabutan pa kan mga otoridad an suspetsado.
Sa presente, nagpapadagos pa an follow up investigation sa nasabing insidente.
