LEGAZPI CITY — Nagpapadagos pa an imbestigasyon kan kapulisan dapit sa nangyaring panggagadan sa duwang estudyante sa banwaan kan Tiwi sa Albay.
Binisto an mga biktimang sinda Jovan Dacillo, 19 anyos asin Dennis Bongalbal Jr. 18 anyos na parehong residente kan Purok 1 Barangay Naga sa nasabing banwaan.
Base sa inisyal na imbestigasyon kan Tiwi Municipal Police, naglalakaw pauli an mga biktima kan biglang hapaan kan duwang lalaki na nakalunad sa sarong motorsiklo.
Buminaba an magtugang na suspek na sinda Esting Ramo Reyes, 22 anyos asin Mar Louie Vitton Reyes, 20 anyos na residente kan Purok 2 kan nasabing barangay asin nakipag-iwal sa mga biktima.
Nagsapar nin saksak sa tuong daghan si Jovan mantang saksak man sa walang daghan an sinapar ni Dennis.
Tulos man ining idinalagan sa ospital alagad binawian man liwat nin buhay.
Dae pa man maaraman an motibo sa nasabing pananaksak.
Sa ngunyan, presenteng nakakulong an mga suspek sa karsel kan Tiwi MPS.
