LEGAZPI CITY — Nadakop na an pigkokonsiderar na numero unong most wanted person sa banwaan kan Bato sa probinsya kan Catanduanes.
Sa isinagibong operasyon kan Bato Municipal Police sa Barangay Sipi, dae na nakapalag pa an suspek na si Noriel Vale, 38 anyos asin sarong abaca stripper.
Napagtrayumpuhan an operasyon sa paagi kan ibinabang mandamiento de aresto ni Judge Lelu Contreras kan Regional Trial Court Branch Branch 42 sa Virac.
Nahahampang an suspetsado sa kasong 4 counts nin panlulugos na warang kakabit na rekomendadong pyansa.
Sa ngunyan, paramientras na nakakulong si Vale sa hepatura kan Bato Municipal Police mientras na pighahalat an commitment order ngane mai-turn over sa provincial jail.
