LEGAZPI CITY- Pinahimutikan kan ipigrereklamong si Cereal Ecalner an gabos na alegasyon kan chieftain na si Salome Barrameda dapit sa suboot bako tamang proseso kan pag-asyumer kaini sa pwesto.
Sa ekslusibong intrevista kan Bombo Radyo ki Ecalner, ipighayag kaini na nag-agi sa nominasyon an nasambit na lakdang kun saen mismong si Salome pa an nag-nominate saiya sa posisyon bilang chairman kan Association of Rapu-rapu Indigenous People na mapapatotoohan man kan minutes sa naging meeting.
Siring man, wara suboot na katotoohan na siya na an nagtitindog na tribal chieftain kan mga tribo huli ta aram niya man suboot an mga procedemiento antes maabot an posisyon na pigkakapotan kan saiyang first cousin na si Ruben Sorro.
Sa ibong man kan pangyayari, dae suboot nagtatanom nin dagit si Ecalner sa saiyang mga kapwa IPs asin nasasabotan an lakdang na ginibo kan mga ini.
Kasabay an promesang padagos na matabang sa mga ka-tribo tangarig na maitao an mga pangangipo kan mga ini sa pigmamawot na sadiring daga na tutugdukan kan harong kan mga ini.
