LEGAZPI CITY — Naglalaom an pamayo kan sarong sporting event para sa selebrasyon kan Magayon Festival 2017 na makaka-partisipar na an probinsya sa mga national competition sa volleyball.
Segun ki Gladys Lucrida, nagpokus sinda ngunyan sa mga locals o taga-Albay ngane na mahiling na mag-angat an mga ini sa larangan kan volleyball mapa-beach volleyball o an tradisyunal na klase kan kawat.
Sa ngunyan, nagpapadagos an beach volleyball competition na nasa pangtulong taon na.
Uminabot sa 18 koponan an naglalaban-laban kun saen 12 teams sa lalaki asin 6 teams sa mga babaye ngane na maiuli an kampeonato.
Ikokondusir an championship sa Mayo a-7 kun saen makakaresibe nin dies mil de pesos an first place winner; siete mil de pesos para sa second place asin cinco mil de pesos para sa third placer.
Apwera kaini, sinabi ni Lucrida na naglalaom sinda na mahali an gap sa mga aki asin maging burunyog an mga players.
