LEGAZPI CITY — Nilalaoman an pag-abot kan mga agricultural engineers gikan sa mga nasyun kan Japan, Malaysia, Indonesia asin Estados Unidos sa pagselebrar kan ika-28 selebrasyon kan Philippine Agricultural Engineering Week sa syudad kan Legazpi.
Katakod kan okasyon na ini an manlaen-laen na aktibidad na papartisiparan kan nasa un mil na agricultural engineers asin estudyante sa parehong propesyon na isasagibo sagkod sa Abril 29.
Ipigheras sa Bombo Radyo Legazpi ni Engineer Marife Pesino, pamayo kan Philippine Society of Agricultural Engineers an obheto kan nasambitan na aktibidad na nagmamawot na ipromotir an saindang propesyon na nakatutok sa sektor kan agrikultura.
Apwera digdi, matao man suboot sinda nin mga impormasyon na makakatabang sa mga mapartisipar sa event.
Dugang pa ni Pesino, kinaolay na ninda si Legazpi City Mayor Noel Rosal dapit sa saindang planong pagbisita sa mga ahensyang igwa nin agricultural engineer ngani na masiertong nababayadan an mga ini nin tama.
Ipigheras pa kan opisyal na malibot sinda nin 360 degrees sa palibot kan bulkang Mayon.
Ikinundusir an nasambitan na event sa Legazpi City Convention Center na inatindiran kan mga engineer gikan sa bilog na Pilipinas.
