LEGAZPI CITY — Bulos an pakidumamay kan mga amigo asin suportedores kan pamilya ni Albay 1st Representative Edcel Lagman sa pagkagadan kan saiyang esposa na si Ma. Cielo Almojuela Burce-Lagman.
Kinumpirmar ni dating congressman Edcel “Grex” Lagman Jr. sa paagi kan social media na binawian na nin buhay an saiyang ina sa edad na 73.
Kasabay kan nasambitan na kumpirmasyon an pagpahayag ni Grex nin pag-omaw sa namaaram na ina kun sain iniladawan nya ini bilang “amazing woman.”
Sarong paratukdo si Cielo na inorgulyo kan dating lehislador huli ta ini suboot an saiyang nagin sandigan na pirming nagtutubod sa saiyang kakayanan.
Sa ibong kan pagkamundo, sinabi pa ni Grex na aram nyang nasa magayon nang lugar an saiyang ina asin mawot kaining ipagpadagos nya an buhay na maogma asin matibay.
Dae man sinabi sa Facebook post kun ano an ikinagadan kan esposa ni Rep. Lagman.
