LEGAZPI CITY — Iniiimbestigaran na kan mga health authorities an sarong bakeshop sa syudad kan Masbate makalihis na maospital an nasa 15 katawo na nagkaon kan binakal na cake sa nasabing tindahan.
Segun ki Dr. Severino Bajar, Masbate provincial health officer, naghelang an 13 mga aki asin duwang gurang makalihis na magkaon kan cake sa sarong birthday party sa Barangay Igang sa nasabing sydudad.
Segun ki Bajar, nagparasuka an mga ini nin duwa hasta apat na oras makalihis na kaunon an cake.
Nagpaparahay na man suboot an mga biktima makalihis na mabulong sa provincial hospital.
Nagsayuma man si Bajar na pangaranan an bakeshop asin an tagsadiri kaini huli sa nagpapadagos pa an imbestigasyon sa kaso kan Surveillance and Epidemiology Department kan probinsya kan Masbate.
