LEGAZPI CITY — Dae tinugutang makabyahe an mga behikulong pandagat sa nagkapirang pyer sa probinsya kan Sorsogon, dara kan naeeksperyensyahang raot kan panahon huli sa bagyong Crising.
Sa pinakahuring datos kan Coast Guard District, nasa 440 biyahero an nakansela an biyahe sa Matnog asin Pilar Port mantang padagos an pagpapagirumdom kan mga otoridad na maglikay urog na sa mga tinampo.
Presenteng nakasakat an Signal Number 1 sa mga probinsya kan Sorsogon, Albay, Camarines Sur, Catanduanes, Burias island, Romblon, Masbate siring man an Ticao island kun sain piglalaoman an moderato sagkod sa makukusog na mga pag-uran.
Nakabantay man an mga emergency assistance centers kan manlaen-laen na ahensya katakod kan Ligtas SumVac 2017 ngani na magtabang sa ano man na insidente.
