LEGAZPI CITY – Bilang selebrasyon sa international women’s month, plano kan Commission on Human Rights (CHR) Bicol na magkondusir nin forum para sa mga kababaihan.
Segun ki Regional Director Arlene Alangco, kadakol sindang programa para sa bulan na ini kabali na an forum kun saen inimbitaran man an mga babayeng lideres bilang speakers sa aktibidad.
Ipigduon kan director na mas dakol an nagigibo kan kababaehan ngunyan kun ikukumparar kan mga nakalihis na panahon.
Apwera pa kaini, mawot matawan kan ahensya nin kaaraman an mga kababaihan dapit sa Anti-Violence Against Women and their Children Act of 2004 kun kaya nagpaplano ining magpasiring sa mga barangay ngane magkaigwa nin legal clinic.
Dae na suboot kaipuhan pa kan mga namamanwa na magpasiring pa sa saindang opisina kun kaya sinda na an mapasiring sa lugar ngane maghatod nin kaaraman.
