LEGAZPI CITY – Dae pa naitatao hasta sa ngunyan an pighahagad na sertipiko kan 254 trainees nin welder na ipinadara kan Department of Social Welfare and Development (DSWD) Bicol training center na nakabase sa Subic, Olonggapo City.
Segun ki Laine Ros, provincial coordinator kan DSWD Albay, nasa proseso pa sinda ngunyan kan negosasyon sa nasabing kumpanya kun kaya warang pang eksaktong petsa nuarin ninda makakaolay an pamayo kaini.
Naggigibo naman sinda nin paagi ngane na makua kan mga benepisyaryo an saindang sertipiko ngane na makapagtrabaho gamit an saindang specialization.
Bukas man suboot an kumpanya na magpasiring sa Bicol kan Disyembre alagad huli sa bagyo, dae ini naipadagos.
Sa ngunyan, pighahalat pa ninda an simbag kan kumpanya ngane na dagos ng makua an kamawotan kan mga trainees.
Mientrastanto, sinabi pa ni Ros na bako man sana an kumpanya an mapirma sa mga sertipiko kundi maging an TESDA asin iba pang indibidwal sa kumpanya.
Sa presente, sa saindang monitoring, nasa 90 pang indibidwal an natadang nagtatrabaho sa kumpanya sa Subic asin an iba, may na nakabalik an nagtatrabaho naman alagad wara sa saindang specialization.
Kun babalikan, kan Oktubre 2016 pa kan natapos an training kan nasabing mga partisipantes
