LEGAZPI CITY-Maabot sa 9 na katawo an nagadan makalihis an pagguho kan tulay sa India.
Nangyari an insidente sa Vadodara district, Guijarat state sa Western India.
Segun kay Health Minister Rushikesh Patel, na nagkapirang mga behikulo an nagagi kan magguho an parte kan nasambitang tulay.
Nahulog man an nagkapirang tawo sa salog kung sain tlos sindang niligtas kan mga nagrespondeng otoridad.
Pigsasabing huli sa pirang aldaw na makukusog na pag-uran kaya buminagsak an parte kan tulay na poon pa kan 1985 naitugdok.
Nagpaabot na man nin pakikidamay si Indian Prime Minister Narendra Modi sa mga biktima kung sain nagpaapod ini nin mabusising imbestigasyon mapadapit sa pagguho kan tulay.
