Gadan an nasa siyam katawo makalihis an pagsabog kan mga handheld radio o mga ‘walkie-talkie’ sa Lebanon.
Dae mababa sa 300 katawo an nairido sa Dahiya, Beirut kun sain dakol an naka istar na mga Hezbollah fighters.
An nasabing insidente an nangyari sarong aldaw makalihis an pagsabog nin mga pagers na ikinagadan nin nasa 20 mga Hezbollah asin ikina irido labi sa 2,000 katawo.
Huli digdi, pinayuhan kan gobierno kan Lebanon an mga namamanwaan na magrayo muna sa paggamit nin mga communications gadget na posibleng target kan Israel.
Nagtutubod kaya an Lebanon na posibleng nasa likod kan insident an Mossad, na spy agency kan Israel.
