Nagsakat na sa siyam na katawo an binawian nin buhay mantang 17 iba pa an nawawara huli sa matinding pagbaha asin landslide sa China epekto kan padagos na pag-uran.
Apat sa mga nagadan an hali sa Wuping county sa provincia nin Fujian na nakakaeksperyensya ngunyan nin mga landslide.
Duwang katawo man an nawawara na padagos pang pinaghahanap kan mga otoridad.
Sa Guangdong province limang katawo man an binawian nin buhay huli sa pagbaha sa ciudad nin Meizhou.
Nasa 15 katawo pa an naireport na nawawara na pinaghahanap naman kan mga rescuers.
Nag-abot naman sa 378 na kaharongan an nawasak dara kan kalamidad mantang nasa $57.2 million o P3.3 bilyon an danyos sa sektor nin agrikultura.
