Mapapaduman sa 9-year-old son kan namaaram na miyembro kan One Direction na si Liam Payne an gabos kan nawalat niyang pagrugaring.
Segun sa report kan People, nakumpirma sa mga court document na si Bear Grey Payne, aki ni Liam sa kapwa singer na si Cheryl, ang magmamana kan pigkarkulong $29 milyon o katumpad nin haros P1.77 bilyon na pagrugaring kan singer.
Ipinangaki si Bear kan 2017. Mantang naghiwalay sinda Liam asin Cheryl makalihis an sarong taon, nagtitinir sindang magkatabang sa pagpapadakula kan saindang aki.
Binawian nin buhay si Liam kan Oktubre 16, 2024 makalihis mahulog sa ikatulong palapag kan sarong hotel sa Buenos Aires, Argentina.
Huli sa labing danyos na sinapar, idineklara siyang dead on arrival kan mga nagrespondeng medical personnel.
