Suminakat na sa 9,530,350 katawo an nairehistrong naapektaran kan pinagsarong epekto kan habagat asin mga bagyong Crising, Dante asin Emong.
Susog sa National Disaster Risk Reduction and Management Council (NDRRMC) kan Sabado, katumpad kaini an nasa 2,599,712 pamilya.
Kaiba man digdi an 28,703 indibidwal na nagtetenir sa 273 evacuation center, mantang 40,729 katawo an pigtatabang sa luwas kaini.
Nairehistro man an 37 katawo na nagadan, lima an beripikado; 32 irido, 24 an beripikado; asin walo pa an nawawara, apat an beripikado.
Pigkarkulong nag-abot sa P3.16 bilyon an destroso sa agrikultura, na nakaapektar sa 98,307 paraooma asin parasisira, asin P16.5 bilyon man sa imprastruktura.
Sinabi man kan NDRRMC na labi 1.75 milyong pamilya an nangangaipuhan nin tabang asin 1.39 milyon na an nasimbagan kan gobierno.
