Mayorya kan mga estudyante sa kolehiyo an pabor na matanggal sa posisyon si Vice President Sara Duterte, segun sa survey na isinagibo kan Centre for Student Initiatives.
Kan Pebrero 5 an inimpeach kan Kamara de Representantes si Duterte katakod kan mga alegasyon kan katiwalian, korapsyon, bantang pagpapagadan kay Presidente Ferdinand Marcos Jr. asin iba pang pagbayolar sa Konstitusyon.
Basado sa CSI survey, 1,696 sa 2,000 respondent o 84.4% an nagsimbag na pabor sa hapot na “Do you believe Sara Duterte should be removed from office?”
Segun man sa resulta kan survey, 73.9% o 1,477 sa 2,000 an pabor na balangkason an impeachment trial bago an eleksyon sa Mayo.
Pinangenotan kan CSI an pagsasagibo nin online survey poon Pebrero 28 hasta Marso 16 gamit an non-probability sampling.
An CSI an sarong youth-led, volunteer organization na nagbubusol nin student-driven asin solution-oriented research sa nacion.
