LEGAZPI CITY-Nasa 82 an numero kan mga Overseas Filipino Worker (OFW) na natukoy na nakatenir o nagtatrabaho sa Wang Fuk Court housing, basado sa bagong datos na ipinaluwas ni Philippine Consul General Romulo Israel Jr.
An nasabing housing complex sa Hong Kong an nasulo kan Miyerkules (Nov. 26) na nagkawsa nin kagadanan sa dai mababa sa 83 katawo mantang kadakol pa an pinaghahanap.
Sa labi 80 Pinoy, labi sa 20 pa an natunton asin nakaolay kan konsulada makalihis an insidente, mantang nagpapadagos pang nakikipagkoordinar sa iba pang ngani maaraman an saindang kondisyon.
Ipinaliwanag ni Israel Jr. na nagkapira sa sainda an posibleng naka-rehistro sa nasabing complex alagad dai na nagtetenir pa digdi o tuluyan nang naghale.
Pigbeberipika pa suboot kan konsulada an record kan gabos na 82 na OFW asin kun nagsain an nagkapira sa mga ini.
Pigsisierto man kan opisyal na pigmamadali na an pag-contact sa iba pang dai na-account.
Dugang pa niya na regular man na nagpapaluwas nin impormasyon an Hong Kong authorities, kaiba na an numero kan mga nagadan, pagkakakilanlan, nationality, asin iba pang record.
