LEGAZPI CITY — Nadisganar an Department of Interior and Local Government (DILG) sa dakulang numero pa kan mga barangay sa Bicol region na warang revitalalized Barangay Anti-Drug Abuse Council (BADAC) sa ibong kan mahigot na pagirumdom kan ahensya.
Sa intrevista kan Bombo Radyo Legazpi kay DILG Regional Director Eloisa Pastor, pighayag kaini na basado sa pinakahuring datos ngunyan na Marso 13, sa nasa 3,471 barangay barangay sa rehiyon, 2,833 sa mga ini an warang funtional na BADAC.
Katumbas suboot ini nin nasa 81.50% kan gabos na barangay sa anom na probinsya sa Bicol kun sain an igwa sanang 100% na operational na BADAC iyo an sa probinsya kan Albay asin Camarines Norte.
Segun sa opisyal, an Camarines Sur an igwang 1,063 barangays alagad 918 sana digdi an igwang BADAC, sa Catanduanes, 288 sana sa 316 na barangay, mantang sa Masbate 287 sana sa 550 na barangay an may BADAC asin 338 sa 541 na barangay man sa probinsya kan Sorsogon.
Nagtutubod man si Pastor na dae man pwedesir na idahilan sainda na nadidifisilan an mga barangay huli ta kaibanan ini sa saindang mga mandato.
Dugang pa kaini na kinakaipuhan na bulanan an pagsumite nin report kan mga barangay sa DILG alagad dae man ini nagigibo kan kadaklan sa ibong kan padagos nindang pagpapagirumdom.
