LEGAZPI CITY- Naghahanda na an Department of Public Works and Highways Bicol para sa pag-turn over kan nasa walong mga school buildings sa provincia kan Albay antes an nagdadangadang na ralaogan.
An nasabing mga school buildings an pigsairarom sa repair kan ahensya.
Segun ki Department of Public Works and Highways Bicol Spokesperson Lucy Castañeda sa intrevista kan Bombo Radyo Legazpi na nasa 80 na mga school buildings sa rehiyon an pigsairarom sa repair.
Alagad segun sa opisyal, mayorya sa nasabing mga eskwelahan an nasa bidding process pa.
Napag-araman na labi sa P705.6 million an itinagamang pondo para sa nasabing proyekto sa irarom kan 2023 quick response fund.
Target na matapos an bidding kan iba pang mga eskwelahan sa masunod na mga bulan ngani na maipagpadagos na an proyekto.
