Walong dating opisyales kan Department of Public Works and Highways (DPWH)-MIMAROPA na kabale sa mga enot na sinangatan nin kaso katakod kan nabuyagyag na flood control scandal an amay na nag-abot sa Sandiganbayan para sa saindang arraignment.
Kinababalehan an grupo ninda Gerald Pacanan, Gene Ryan Altea, Ruben Santos, Dominic Serrano, Juliet Calvo, Dennis Abagon, Montrexis Tamayo, asin Lerma Cayco.
Sa presente nakakulong sinda sa New Quezon City Jail sa Payatas, an designadong detention facility para sa mga suspechado sa flood control corruption.
Nahahampang an mga ini sa kasong malversation katakod kan anomalous flood control project sa Naujan, Oriental Mindoro.
Basado sa record kan DPWH, an proyekto pinondohan nin P289 milyon, na an nagkapirang parte kaini ipig-report na 100% completed alagad warang natunton, mantang an iba nagluwas na substandard.
Nadiskubre man kan mga government investigators na palsipikado an nagkapira sa mga dokumento na ginamit sa proyekto.
Kabale an mga akusado sa grupo na pig-isyuhan nin mandamiento de aresto na kinababalehan ni dating House Appropriations Committee Chairman na si Zaldy Co asin iba pang opisyales kan Sunwest Corporation, an contractor kan proyecto na kaidto suboot yaon pa sa saiyang pagsasadiri.
-MIMAROPA who were among the first to be charged in connection with the exposed flood control scandal arrived at the Sandiganbayan early for their arraignment.){kind=link}