Binawian an walong katawo mantang irido an sarong joven makalihis magaba an sarong harong sa Kabul, Afghanistan huli kan makusog na linog kan Biyernes, susog sa National Disaster Management Authority.
Basado sa German Research Centre for Geosciences, nagtama an linog na may kusog na magnitude 5.9 sa rehiyon kan Hindu Kush, na may rarom na 177 kilometro.
Nakamati nin makukusog na pagyugo sa manlaen-laeng lugar kabale an Islamabad sa Pakistan, siring man sa Kabul asin New Delhi sa India.
Bistado an Afghanistan sa pagiging bulnerable sa mga kalamidad huli sa mabulod kaining geography, kun saen an mga linog an saro sa pinakapeligroso na naeeksperyensyahan sa nacion.
Pigkarkulong nag-aabot sa 560 katawo an nagadan kada taon huli sa linog na nacion.
Kan Nobyembre 2025, sarong mas makusog na linog na may may magnitude 6.3 an nagtama sa Afghanistan, na nagwala nin dae mababa sa 27 nagadan asin nagraot sa ginatos na kaharongan.
