Naging matrayumpo asin matuninong man an lampas sarong semana na pagsusunad nin Certificate of Candidacy sa bilog na Bicol.
Sa intrevista kan Bombo Radyo Legazpi kay PBGen. Andre P. Dizon an regional director kan Police Regional Office Bicol, generally peaceful an naging filing kan COC.
Dakula man an pasasalamat kan opisyal sa lambang personahes kan PNP asin ahensya na nagtabang para sa pagsasagibo nin maayos na filing.
Huli sa tiglaoman na pagdagsa kan mga nagsunad nin COC sa huring aldaw kan filing ay dinugangan pa an bilang kan mga kapulisan na ipinadara sa lambang COC filing venue.
Mientras tanto sa isinagibong 8 aldaw na filing ay dae man na nairehistrong mga dae pinaglalaoman na insidente sa rehiyon kan Bicol.
Padagos pa man an isinasaging validation kan ahensya sa mga lugar na posibleng igwang mairehistro na mga sitwasyon pag-abot kan aldaw nin pangagampanya asin sa mismong aldaw kan pagboto.
Nangapudan man an opsiyal nin kooperasyon sa kumunidad asin asperante para sa pagsasagibo nin matanos na pangangampanya asin eleksyon.
