Maabot sa 76,000 na mga Russians an pinaebakwar na sa Kursk region huli sa nagpapadagos na pag-atake kan Ukraine.
Segun sa Russian Emergencies Ministry, sentro ngunyan kan bakbakan an banwaan nin Sudzha kung sain nakalaag an mga pipelines kan Russia na nagsusuplay nin natural gas pasiring sa Europa.
Mas pinatindi na an seguridad sa rehiyon kung sain nagdeploy na nin rocket launchers, artillery guns, tangke, heavy vehicles asin mga suldado.
Dae pa man pigkukumpirma kan Russia kung pira na an casualty sa bakbakan.
Sa ibong na lado, dae pa man nagpapaluwas nin pahayag an Ukraine kung ano an saindang target sa inilunsar na operasyon sa Russia.
