Gadan an sarong senior citizen makalihis suboot mag-inom nin ‘Miracle Coffee’ bago makipag-sex sa sarong motel sa Canelar Moret, Barangay Canelar, Zamboanga City, kan Biyernes na banggi, Setyembre 26, 2025.
Binisto kan mga awtoridad an biktima na si Julakmad Julkanain Lawama, 74-anyos, biyudo asin residente kan Barangay Lunzuran sa nasabing ciudad.
Basado sa report hale sa Zamboanga City Police Station 11 (ZCPS 11), nakaresibe sinda nin apod sa 911 poco mas o menos alas 7:10 nin banggi manungod sa sarong lalaki na nawaran nin malay sa laog kan nasabing motel.
Tulos na nagresponde an mga pulis asin nadukayan an senior citizen na warang malay asin dai na naghihiro.
Idinalagan sa Zamboanga City Medical Center (ZCMC) an biktima, alagad idineklarang Dead on Arrival (DOA) kan mga doktor huli sa cardiac arrest.
