Gadan an pitong miyembro nin pamulya makalihis matabunan nin nagrasay na daga an saindang harong sa Barangay Labang, Ambaguio sa Nueva Vizcaya sa kasagsagan kan bagyong Pepito.
Napag-araman na nagrasay an bulod na kataning kan harong kan mga biktima.
Naisalbar an tulong mga biktima alagad an pitong iba pa an dae na nailuwas pa sa harong.
Katakod kaini, sinabi ni Nueva Vizcaya Governor Jose Gambito na puon pa kan Biyernes, ipigsugo na an mass evacuation huli sa huma kan nasabing raot nin panahon.
