LEGAZPI CITY-Gadan an pitong pasyente sa San Lazaro Hospital sa laog nin 5 aldaw sa bulan kan Agosto kairiba na an sarong 16-anyos na sultero na nagadan huli man sa acute kidney failure.
Segun sa medical center chief kan ospital, gabos na nagadan an naglusong sa tubig-baha kan nakaaging pagbagyo.
Dagdag pa kaini na mas agresibo an sintomas ngonian kan Leptospirosis kung sain sa laog nin 2 hasta pitong aldaw, nagkakaigwa nin komplikasyon sa kidney, atay, baga, asin sa paghangos na kinakaipuhan an mga ini na i-ventilator.
Basado sa mga datos, igwang nasa 45 na leptospirosis patients an naka-confine sa Hospital asin 15 digdi an mga menor de edad pa asin nasa intensive care unit (ICU).
Mientrastanto, nakapagrehistro man nin 44 kaso kan leptospirosis an Amang Rodriguez Memorial Medical Center kan magpoon an bulan nin Agosto.
Nagbabala naman an mga eksperto mapadapit sa paglusong sa baha na magsulog nin bota.
Sa presente, sa datos kan Department of Health (DOH) nasa 500 na kaso na kan leptospirosis an nairehistro poon pa kan Hulyo ngonian na taon
