LEGAZPI CITY — Posible suboot na maipasara an pitong establisiyemento de negosyo sa syudad nin Tabaco huli sa kawaran nin business permit.
Segun ki Ernesto Gonzales Jr, licensing officer 2 kan local government unit kan Tabaco City, dae naman pwedesir na maisyuhan nin permit an mga bars huli sa dae naman nagtugot an pigrerentahan ninda kan dagang pinagtugdukan ninda.
Pighahalat na sana suboot ninda na magpaluwas nin closure order ngane na dagos ng maipasara an mga ini.
Segun pa ki Gonzales, nasa labi 1300 pa sana an nakakua nin permit to operate asin pighahalat pa ninda an iba na magkua kan saindang permit.
Padagos man suboot an saindang pagpatanid sa mga bars na paluwayan an saindang mga videoke tuyong alas 10 nin banggi ngane na dae makaistorbo sa ibang kataid na edeficio.
Enkasong magbalgar suboot an mga ini, papatanidan muna alagad kun mautro, posibleng makansela na an saindang permit.
Nangapudan man an opisyal sa mga tagsadiri kan negosyo na magkurua na kan saindang permit huli sa natapos na an deadline kaini kan Marso 14 pa.
Kaipuhan suboot na asikasuhon na ini huli sa mapautob na sinda nin penalidad.
