Gadan an sarong 67-anyos na lalaki makalihis mabangga nin sarong kotse na pinag mamanehar nin sarong nurse sa kalabaan ma Rizal Street Legazpi City kan nakaaging Sabado, Agosto 24, 2024.
Segun kay Police Executive Master Sergeant Carlos Paña an Chief Investigator kan Legazpi City Police Station sa naging intrevista kan Bombo Radyo Legazpi na base sa saindang inisyal na imbestigasyon na bandang alas otso nin aga (8:00 am) kan mabangga kan pulang kotse an biktima.
Antes pa man subuot mabangga kan nasambitang kotse an biktima, naenot naman ining buminangga sa sarong poste.
Tulos man na idinalagan an biktima sa hospital alagad ipinag deklara man ineng dead on arrival.
Dugang pa kan opisyal na nangiturog an driver kan nasabing kotse nin hure ta hali ine sa 24 hours na duty bilang sarong nurse.
Sa ngunyan nakalaya naman an driver kan kotse nin hure ta natapos naman kane an 18 hours temporary imprisonment alagad dae naman subuot masampa nin reklamo an pamilya kan biktima matapos na magkasundo an mga ine asin an kampo kan driver na sasaguton na sana gabos na gastuson sa pagpapalubong kan biktima.
Katakod kane, nagpagirumdom man an opisyal sa mga motorista na kung wara sa kondisyon an sadiri o kaya an behikulo an iwasan ng mag maneho ta nganeng maiwasan na an posibilidad na maimbwelto sa mga aksidente sa tinampo.
