LEGAZPI CITY – Irido an sarong 64 anyos na persona makalihis na mabunggo nin motorsiklo sa Barangay Buyo, Manito, Albay.
Segun ki Manito Municipal Disaster Risk Reduction and Management Office Emergency Quick Response Team Responder Roi Dioneda sa intrevista kan Bombo Radyo Legazpi na may naresibi sindang report gikan sa sarong concern citizen mapadapit sa sarong aksidente sa nasabing barangay.
Pag-abot suboot kan saindang team sa lugar kan pinangyarihan kan aksidente, nahiling ninda an biktima na may tama sa walang parte kan saiyang bitis.
Tulos ninda ining tinawan an biktima nin pangenot na lunas asin pig-stabilize an lugadang parte kan saiyang bitis asin dinara sa pinakaharaning hospital.
Pigtaram pa kaini na susog sa salaysay kan biktima, nahagip ini kan sarong motorsiklo mantang nagbabalyo sa tinampo.
Nagigin angat man sa pagsagibo nin rescue kan saindang opisina an mga pa-liko na mga parte kan mga tinampo sa munisipalidad na nagigin delikado sa kaligtasan kan mga responder.
Kalimitan suboot na nangyayari an self-accident nin huli ta kadaklan sa mga nabibiktima an puro mga nasa impluwensya kan arak.
Pangapodan ni Dioneda sa mga motorista an responsableng pagmamaneho asin pag-iingat nin huli ta nakasalalay sa saindang pagmaneho an saindang mga buhay.
