LEGAZPI CITY-Sinaksak an sarong 64-anyos na ama kan saiya mismong aki makalihis na sawayon ini huli sa maraot na gawi sa Barangay Bariis sa Legazpi City.
Nagsapo an biktima nin saksak sa payo asin sa likod.
Basado sa report, nangyari an insidente kang pauli na an ama hale sa inuman asin kinomprontar an saiyang aki mapadapit sa maraot kaini na ugali.
An suspek, nasa kustodiya na kan Legazpi City Police Station.
Mantang an ama na biktima, presenteng pigooberserbaran pa sa ospital.
