LEGZPI CITY- Arestado an sarong 61 anyos na lalake makalihis an isinagibong joint search warrant operation kan mga otoridad sa Masbate.
Sa intrevista kan Bombo Radyo Legazpi kay PCPT Estrella Torres, PIO, Masbate PPO, nakumpiskar sa suspetyado an maabot sa 135 grams nin ilegal na droga sa isinagibong operasyon kan Masbate Police Provincial Office and the Philippine Drug Enforcement Agency – Masbate sa parte kan Barangay Espinosa, Masbate City
Narekober pa hale sa suspek an 11 heat-sealed plastic sachets na igwang laman na pinagtutubudang marijuana na nagtitimbang sa 134.40 grams asin igwang pinagkakarkulong kantidad na maabot sa P16, 128.
Mientras tanto narekober pa na apat na transparent plastic sachets na igwang pinagtutubudang shabu na nagtitimbang sa 1 gram asin kantidad na maabot sa P6,800.
An suspek binistong si alyas “Ed” asin bistong saro sa mga street-level individual asin pigmamanmanan huli sa embwelto ini sa ilegal na droga.
An suspect an presente na man na nasa kostudiya kan Masbate City Police station asin mahahampang ini sa kasong pagbayolar sa Republic Act 9165, o an Comprehensive Dangerous Drugs Act of 2002
Mantang an mga nakompiskar na droga an dinara na sa Regional Forensic Unit para sa laboratory examination.
