Sa rekomendasyon kan Department of Agriculture (DA), iniluwas ni Presidente Ferdinand Marcos Jr. an Executive Order No. 93 na nagsusupinder sa pag-import kan regular milled asin well-milled rice sa laog kan 60 aldaw.
Susog sa DA sa nasabing order, makusog an lokal na produksyon kan bagas ngunyan na 2025, alagad an kadakolan kan imported rice na nag-abot sa mga nakaaging bulan an huli sa hibabang taripa an nagkawsa nin pagbaba kan presyo kan bagas sa merkado.
Itinatag an suspensiyon sa peak harvest season puon Setyembre 1 sagkod Oktubre 30, nganing mas mapakinabangan kan lokal na merkado an ani kan mga paraooma, mapatatag an presyo kan bagas, asin matabangan an mga paraooma na maipabakal an saindang paroy sa makatuwirang kantidad.
Ipigsugo an DA na mangenot asin mag-monitor sa pagpapaotob kan suspensyon, mantang an Department of Economy, Planning, and Development at Department of Trade and Industry an makikipagtabangan nganing surion an epekto asin maggibo kan mga report sa pagpapaotob kan nasabing lakdang.
