LEGAZPI CITY-Narekober na kan search and rescue team an bangkay kan anom na katawo na lunad kan buminagsak na helicopter kan Philippine Air Force (PAF) sa bisinidad kan Loreto, Agusan del Sur.
Segun sa Armed Forces of the Philippines’ Eastern Mindanao Command, na positibo na an mga ini an piloto asin crew kan buminagsak na Super Huey helicopter.
Presente man na dai muna ipigpapaluwas an saindang pagkakakilanlan mantang ipigpapaaram sa saindang mga kapamilya.
Handa man na makipagtabangan an Philippine Air Force sa pigsasagibong imbestigasyon mapadapit sa pagbagsak kan nasabing helicopter.
Marurumduman na nagsagibo nin humanitarian operations an nasabing helicopter para sa komunidad na apektado kan Bagyong Tino.
