LEGAZPI CITY-Gadan an anom katawo makalihis an pagbagsak kan light aircraft sa Nairobi, Kenya.
Hale sa Charity Amref Flying Doctors an Cessna plane na hale sa Wilson airport pasiring sa Hargeisa sa Somalia kan mangyari an insidente.
Nasulo pa an nagkapirang mga kaharongan sa Githurai area kung sain buminagsak an eroplano.
Sinabi man ni Kiambu County Commissioner Henry Wafula na an kairiba sa nagadan an mga doctor, nurse asin an piloto pati na an 2 katawong nabagsakan kan nasambitang eroplano.
Padagos an pigsasagibong imbestigasyon kan mga otoridad sa pinakarason kan nasambitang insidente.
