LEGAZPI CITY – Gadan an sarong 58 anyos na businesswoman na residente kan Barangay Ilawod, Guinobatan, Albay makalihis badilon kan dae pa nabibistong suspetsado kasubagong alas 5:30 nin pagkaaga.
Sa nakalap na impormasyon kan Bombo Radyo Legazpi gikan sa Albay Police Provincial Office, nagsasagibo na sinda nin imbestigasyon mantang nagpapadagos an hot pursuit operation sa pinagtutubudang duwang suspetsado sa insidente.
Sa initial information, duwang lalaki an naglaog sa kaunan kan biktima mantang ini nagluluto. nag-order pa suboot nin kape an mga suspek bago binadil sa payo an biktima.
Nagkakalap pa ngunyan nin mga impormasyon an kapulisan na makakatabang sa tulos na pagresolbar kan insidente kasabay kan pag-aram kan pagkakabisto kan nasa likod kan pambabadil asin an posibleng motibo kan mga ini.
